Vacatura: Front of House Officer

Front of House Officer

Cas di Cultura (CdC) ta Aruba su Teatro Nacional y Centro Cultural principal. Arte, cultura, nos herencia intangibel y primordialmente pa medio di arte di tarima y arte visual ta wordo exhibi y ta florece akinan. Tur hende y grupo den nos comunidad ta bon bini pa presencia of presenta actividad na CdC. Nos tey pa educa, entretene, emociona y inspira nos pueblo. Como lugar di encuentro unda tur tipo di hende ta topa, nos ta aporta na e sentido comunitario y ta reenforsa nos identidad propio, autenticidad y aprecio pa arte y cultura, haciendo nos Aruba un tiki mas bunita pa biba riba dje.

Pa reenforsa nos ekipo chiquito ta busca un Front of House Officer (M/F). Tareanan general ta inclui: encargo di tur yabi di CdC; hospitalidad y supervision durante evento; seguridad di edificio y persona; controla e estado di inventario, facilidadnan y cura; guia un ekipo di boluntario; set-up di eventonan; responsabel pa caha di benta di ticket durante evento; bodedienst; eskema di limpiesa segun evento; raporta na business development & events manager y hoofd tecnico riba diferente aspecto di su trabou.

Tareanan mas specifico di nos Front of House Officer:
Ta e cara principal durante tur evento publico, cu sa di informa y atende cu publico segun nan necesidad.

Guia, train y planea e ‘pool’ di voluntario cu ta traha durante actividad: portier, ushers, gastheren/dames.

Reenforsa reglanan durante evento manera di protocolnan di DVG, pero tambe di consumo di bebida y cos di come.

Responsabel pa e maneho di yabi di ful edificio y ta habri y cera edificio prome/despues di evento (cu team technico), cual ta encera:

Wak cu no tin hende mas p’aden.

Paga instalacionnan manera airco, kettle, waterboiler, screens etc.

Paga tur luz cu exepcion di esnan cu mester keda sendi.

Activa e alarma.

Ta haci bode dienst: carta, invitacionnan, delivery y pick-ups ora ta necesario.

Informa y prepara e diferente seccionnan in-house pa ta bon ekipa pa cada actividad.

Guia/haci benta di carchi na porta segun un sistema determina y ta raporta tocante esaki.

Ta controla limpiesa y higiena di tur aria publico y segun actividad.

Ta traha eskema di limpiesa semanalmente.

Controla tur area publico riba higiena y limpiesa.

Ta mantene control di e inventario di articulo di limpiesa.

Por haci bestelling pa cu esakinan cu autorisacion di director.

Ta yuda den e parti di limpiesa ora ta necesario.

Despues di control, raporta si espacio, muebles, bañonan, inventario y otro aspecto publico mester atencion of wordo drecha.

Responsabel pa set-up evento y cu atencion di detaye pa evento cu ta rekeri extra atencion y servicionan externo.

Responsabel pa sa y guia team pa cu seguridad di brandweer y ehbo.

Ta registra consumo di electricidad mensualmente di usuarionan permanente di edificio y raporta na hoofd techniek.

Ta registra e cantidad di bishitante pa cada evento.

Ta dispuesto pa ehecuta tareanan den e esfera di e trabou aki cu no a ser menciona specificamente den e lista aki.

Ta rekeri un persona cu:

  • por lo menos 4 aña di experiencia laboral den hospitalidad cu EPI of Mavo diploma;
  • ta dispuesto pa traha e trabou aki, cu sin duda ta inclui shift anochi y weekend, segun e rooster di evento di Cas di Cultura;
  • ta pro-activo y un ‘team player’;
  • tin miras riba organisa un espacio pa e ta ‘welcoming’;
  • ta positivo, servicial, ta gusta hende y ta cla pa yuda y resolve retonan;
  • ta dispuesto pa traha cu computer y planning;
  • tin afinidad cu arte y cultura.
  • ta domina ingles, spaño,hulandes y papiamento na nivel di combersacion

Pa solicita manda bo carta cu: motivacion pa traha na Cas di Cultura, bo datosnan y experiencia laboral (CV) na vickyarens@casdicultura.aw.

close