Cas di Cultura (CdC), Aruba su Teatro Nacional y Centro Cultural tin como mision pa ta e cas pa nos comunidad unda arte y cultura ta florese y unda tur hende ta sintiele bon bini pa desaroya su talento, sea inspira, emociona y entreteni. Nos ta buscando un persona entusiasma pa traha den e ramo dinamico aki di arte y cultura y pa join nos super team!

Tecnico di Teatro (M/F) – Fulltime

1. Responsabel pa conhuntamente cu team y independientemente: 1. Palabra, 2. Planea, 3. Set-up, 4. Ehecuta y 5. Ruim op tur actividad na Cas di Cultura. Actividadnan mester di entre otro respaldo di sonido, lus, video y set-up facilitario.
2. Ta mantene e inventario, percura pa e calidad keda bon y ta avisa ora mester drecha material. Ta yuda busca oferta ora mester reemplasa material.
3. Ta mantene regla di seguridad y brandweer.

Ta ehecuta tur locual ta rasonabel dentro di e modelo di organisacion di Cas diCultura cu ta cay bou di trabou technico, facilitario y mantencion pa e organisacion por cana dia pa dia. Ta cay bou liderazgo di e “Hoofd Techniek”.

Rekisitonan necesario pa eherce e trabou:     

1. Ta prefera diploma EPI/MBO-Techniek cu ta inclui electrotechniek of experiencia cu evento, pero nos ta habri pa persona entusiasta, responsabel y cu ta willing pa siña un ofishi unico y varia;
2. Amabilidad y experiencia den trabou cu ta duna servicio ta prefera;
3. Afinidad cu arte y entusiasmo pa traha cu equiponan tecnico; lus, sonido, electrico, computer;
4. Habilidad di traha oranan flexibel y irregular ta necesario;
5. Bon comunicado y planeado, creativo y gusta siña cos nobo;
6. Bon condicion fisico y sin miedo di haltura.

Ta ofrece:

• Un lugar dinamico cu un team hoben;
• Un funccion hopi varia cu ta topa cu hopi hende;
• Salario conforme e standaard pa cu educacion y responsabilidad.

Pa solicita mester manda un carta di motivacion y CV di educacion y experiencia via e-mail: vickyarens@casdicultura.aw no mas tarda cu dia 30 di juni 2024.