ORANJESTAD- Cu un danki di curason na tur nos miembronandi prensa pa nan cooperacion den publicacion di noscomunicado di prensa, pa informa pueblo di Aruba, cu den lunadi December venidero Lady Ruth ta bay comparti cu pueblo un biaha mas, un otro bunita show “Alegria di Ruthy 3".
Lady Ruth su di 3 ‘One woman show’ lo ta diaranson dia 14 di december e aña aki, den 2022, un aña cu triple celebracion pa Ruthy Vrieswijk-Bergen. Como e Poeta artista Lady Ruth, ta cumpli 50 aña den farandula na luna di februari di aña 2023, pero cu ta e luna di Carnaval di Aruba cu lo ta hopi yen di actividadnan carnavalesco, Ruthy ta celebr’e den e luna di december di e aña. Ela cumpli su di 65 aña di edad riba dia 23 di juni ultimo y dia 21 di december Ruthy y su esposo Johan ta cumpli nan di 45 aniversario di boda, cu ta boda di zafiro. Y cu culminacion di su 50 aña den farandula, Ruthy ta complace supublico cu a pidie pa un di tres show. ‘Three in One’.
E tema di e show lo ta “Holland-Aruba-Love with a touch of Christmas”. Ruthy lo deleita su publico cu musica, canto, bailey poemanan den 4 idioma atrobe, tanto poemanan nobo y canticanan cu e no a canta den su prome y ni di dos show. Pues, canticanan nobo aunke no di e aña 2022. Ruthy ta gusta sucancionnan bek den tempo. Lo sinti tambe pues e dushiambiente di Pasco.
“Alegria di Ruthy 3" lo tuma luga den Cas di Cultura y lo cuminsa pa 8or di anochi riba diaranson dia 14 di december. E biaha aki e show lo wordo carga pa un otro pianista, Lady Ruth lo tin como ‘Piano Man’ e conocido y famoso Amado Rosina cu su bunita trayectoria den como musico y cantante, un persona hopi conoci y stima pa su amigonan turista di hotel, como sudushi hendenan den nos dushi bario di Dakota tur dia, como cu Albert Croes ta keto bay recuperando di su kebrante di salud. Ruthy su team di demas musiconan ta consisti di: Jerry Diaz y Mario Alberto Kelly y tambe e homber cultural Stan Dabian ribawiri y of tamborin, etc.
E aña aki lo tin 3 artista invita : Ariana ‘Lady Ari’ Koolman-Chirino, El Duque Victor Samuel y Wim Steenhuis, e cara y curason bunita di ‘Djiespies Happy Hour’ cu tambe gusta canta. Alex y Irina Berkley lo baila un tango nobo y como personanantras di escenario lo t’ey Sranan Luty Martinez y Magda Nicolaas un biaha mas. Ruthy su mannan drechi encarga cu tickets naporta y e parti financiero lo ta Sranan Milly van Delden, Indra Balijn y Miriam Koolman, su amiganan pa semper.
Cu un danki diki gordo na tur cu ta haci e di 3 show aki posibel:Nan ta Departamento di Cultura Aruba (DCA), Sr. Siegfried Dumfries, UNOCA, Sra. Ray-Anne Hernandez, e artista bahistaAlex Bowen di Optica Moderna pa diseño di e ticketnan, Benjie Pick di La Moderna y Flora Market. E decor lo ta den man di e talentoso artista di obra di man sra. Bea Croes-Quilotte y John Freddy Montoya. Ticketnan ya ta obtenibel na tanto na Cas di Cultura, Plaza Bookshop, Boekhandel Van dorp y na Animal Shelter Wayaca.
E recaudacion di e benta di ticketnan e aña aki ta bay pa “Animal Shelter Aruba”. Nos animalnan di cas, manera cachocu pushi, tambe merece bon trato. Lady Ruth a cuminsa trahatrempan riba e proyecto aki, pa no mester di rush, teniendocuenta cu su atencion di curason pa su grandinan, su mayornancu e aña aki lo cumpli nan di 70 aña di feliz bida matrimonial den luna di november venidero.
Danki na cada un miembro di prensa pa boso presencia, atenciony cooperacion di curason pa nos como e ‘Poeta Artista Multifacetico’, Lady Ruth, cu hopi gradicimento na su humildecurason pa su 50 añanan den Farandula. Sin lubida danki na suesposo Johan Vrieswijk.
‘Holland-Aruba-Love One woman Show Alegria di Ruthy 3’. Here we come!!!
Nos show nr 3 ta dedica na 3 amiga cu ya no t’ey mas cu nosfisicamente, pero si den mente alma y curason : Sranan Guisela Croes, Melanie Thiel y e Poeta Artista Gwendy Sneek, di felizmemoria.
Cu un danki tambe alvast na e team dinamico di Cas di Culturacu sigur lo haci un bon trabao cu zonido, luz, etc..